Van "Ja!" tot "Ek doen"

Doen jou grimeringproef op die dag van julle verlowingsfotosessie of voor jou rokpassing. Dit gee jou 'n beter geheelprentjie van hoe jy op die groot dag gaan lyk.

Dra jou trouskoene tydens jou rokpassing sodat die lengte van die rok perfek aangepas kan word. Stap ook 'n bietjie rond om seker te maak die skoene is gemaklik.

Hou alle kontrakte, kwotasies, betalingsbewyse en belangrike dokumente in een digitale vouer. Dit maak dit makliker om vinnig iets op te spoor wanneer 'n verskaffer navraag doen.

Moenie te veel mense na elke afspraak saamneem nie. Te veel opinies kan jou maklik deurmekaar maak. Kies een of twee mense wie se oordeel jy vertrou.

Maak 'n lys van foto's wat vir julle belangrik is en deel dit vooraf met julle fotograaf. Sluit veral familiefoto's en spesiale mense in wat die fotograaf dalk nie sal ken nie.

Moenie die week voor jou troue nuwe velsorgprodukte, haarkleur of kosmetiese behandelings probeer nie. Hou eerder by produkte en behandelings wat jy reeds ken.

Sit 'n klein gedeelte van julle begroting opsy vir onverwagte uitgawes. Laaste-minuut veranderinge, ekstra gaste en afleweringsfooie kan vinnig optel.

Kies iemand wat verskaffers op die troudag kan kontak indien daar vrae ontstaan. Dit keer dat jy en jou maat die hele dag oproepe en boodskappe hoef te hanteer.

Indien julle begroting of venue beperk is, hoef nie almal 'n +1 te kry nie. Gee +1's eerder aan getroude paartjies, verloofdes, langtermynmaats of mense wat byna niemand anders by die troue ken nie.

Ja, julle mag absoluut 'n kindervrye troue hê. Kommunikeer dit vriendelik en duidelik op die uitnodiging, byvoorbeeld: “Ons is lief vir julle kleingoed, maar ons troue is slegs vir volwassenes.”

Begin by die mense wat werklik deel van julle lewe is. Ouers kan insette gee, veral indien hulle finansieel bydra, maar julle troue hoef nie almal se kennisse in te sluit nie.

Dit hang van julle begroting en verwagtinge af. Indien julle spesifieke rokke, pakke, skoene, hare of grimering vereis, is dit mooi om ten minste 'n gedeelte daarvan te betaal of die kostes vooraf duidelik te kommunikeer.

Tradisies verskil baie. Die belangrikste is om vroeg eerlike gesprekke met albei families te hê oor wie graag wil bydra en wat vir elkeen realisties is.

Gee 'n duidelike RSVP-datum en volg een keer vriendelik op. Daarna kan julle aanvaar dat hulle nie die troue gaan bywoon nie, veral wanneer finale getalle aan die venue gegee moet word.

Nee. Julle gastelys hoef nie 'n terugbetalingstelsel te wees nie. Nooi die mense wat vandag 'n betekenisvolle deel van julle lewe is.

Luister waar nodig, maar stel vriendelike grense. Julle kan byvoorbeeld sê: “Ons waardeer julle raad, maar ons het besluit om dit so te doen.”

Nee. 'n Oop kroeg is lekker, maar glad nie verpligtend nie. Julle kan ook 'n kontantkroeg, 'n beperkte drankkeuse, verwelkomingsdrankies of wyn op die tafels aanbied.

Daar is geen vaste reel nie. Julle kan saam met julle gevolg sit, alleen as 'n paartjie sit of saam met julle ouers sit. Kies die opsie wat die beste by julle verhouding en troustyl pas.